多姿多采創作與製圖論壇 - Powered by Discuz! Board

繁體 | 簡體

Sclub交友聊天~加入聊天室當版主

(檢舉)

新浪微博

QQ空间

Facebook

Google+

Plurk

Twitter

Line

標題: 色情雜誌 [打印本頁]

作者: 小蜻蜓 時間: 2016-5-1 17:08 標題: 色情雜誌

　　這件事大概發生喺一年前，我嗰陣時讀緊中五，所以成日都喺學校自修室溫書，直到黃昏七點學校差唔多閂門先走，通常都只係得返兩三個同學。冬天既時候，七點基本上天已經黑曬，校工又熄曬燈，所以由自修室通去學校正門大堂既路，只係得街外微弱既燈光透入來照明，如果一個人行既話，真係幾得人驚。

　　有日學校差唔多閂門，我自己一個人經過呢條走廊，迎面無端端吹起強風，一張紙隨風咁飄到我既腳邊，我好奇咁執起嚟睇。原來係一頁色情漫畫，漫畫裡面畫咗一個裸女死神從墳墓入面爬出嚟，我覺得幾得意，所以就收埋咗入書包，點知怪事就發生喇！

　　連續幾日我都好夜走，但係每一晚經過走廊，都會發現一頁色情漫畫，而且仲要係順序連續既添！漫畫裡面既劇情逐漸清晰，死神離開墳墓之後，要喺人間搵一個替死鬼返去地獄。佢走過好多地方，殺咗好多人，捉咗好多既靈魂，但係都搵唔到一個佢滿意既；直至佢去到一間學校，而呢間校舍非常眼熟，因為就係我讀緊既學校。

　　我開始有啲驚，所以將所有漫畫捲埋落舊報紙堆度，然後提早離開學校，可能因為咁我真係冇再執到漫畫頁。就咁樣過咗一個月，我漸漸唔記得咗呢件事，但係呢晚我又再遲咗離開，漫畫頁又再次出現，漫畫上既死神好嬲，而且喺呢一晚，終於喺走廊遇上佢既目標。

　　我轉身一望，果然見到一個黑影慢慢咁接近我，嚇得我兩腳發軟，但就喺呢一剎那，黑影傳喺慘叫聲之後就消失咗，我完全唔知點解。後來先知道，咁啱嗰日我阿哥去燒烤，拎咗堆舊報紙，可能好彩及時燒咗啲漫畫，所以我先可以化險為夷，自此之後我都唔敢亂執起地上既嘢。

作者: 夢迷離 時間: 2016-5-1 17:33

喺首頁剩係睇個標題
一定引晒班咸濕鬼入嚟

作者: 讓一切隨風 時間: 2016-5-3 17:48

好彩筆者個亞哥
冇見到夾喺報紙入面ｇｅ色情漫畫
否則就大大鑊了

歡迎光臨多姿多采創作與製圖論壇 (http://colorful.joinbbs.net/)