多姿多采創作與製圖論壇 - Powered by Discuz! Board

繁體 | 簡體

Sclub交友聊天~加入聊天室當版主

(檢舉)

新浪微博

QQ空间

Facebook

Google+

Plurk

Twitter

Line

標題: [網路文章] 《愛情路上，你總會遇上一個永遠贏唔到嘅對手》 [打印本頁]

作者: 荳荳 時間: 2016-10-21 15:24 標題: 《愛情路上，你總會遇上一個永遠贏唔到嘅對手》

記得有句歌詞係「未來算吧」

又有一句歌詞係「你沒想過未來對吧」

冇錯，的確唔係個個會諗未來呢兩個字。

曾經因為工作關係，聽過幾個意外懷孕嘅Case。

其中兩個印象好深刻。

有個女仔落咗幾次BB，但準備結婚做媽咪；

另一個女仔冇落到BB，而個BB亦都冇老竇。

頭嗰個女仔驚老公接受唔到自己過去;

尾嗰個女仔驚自己根本冇將來。

呢個社會，雖然有安全措施，但總有人一知半解，甚至唔理安全，抱住搏一搏心態。

而搏唔到嘅後果，受嘅始終係女方。

朋友們講返呢啲Case，都難以明白點解咁唔理智，咁信個男人。

但有個女仔Fd講咗一個道理，

就係每個女仔，幾聰明都好，始終會衰喺一個Special One手上，

對於呢個對象，你冇得招架，冇得Say No。

佢每句說話都吸引你，每個動作都牽動你。

就算傷害過你，你都會再次向佢投下信任一票，即使你手頭已經冇籌碼。

你估到佢唔係真心，但估唔到自己都係信佢。

香港地對愛情呢回事唔保守，激情係剎那之間發生，保持清醒談何容易，尤其是遇到一個特別嘅人。

身邊個個女仔都係旅行達人，周圍去，有自己世界、有自己事業、有自己計劃。一場「突如其來」嘅意外實在太高成本。

有女仔朋友話求人不如求己，自己會有食避孕藥，免得人生因為一個意外而劃上「句號」。

一聽緊係覺得驚，坊間傳言講到咁多副作用……佢回我一句~ 「其實問問醫生了解清楚，咪一味聽傳言，新藥對比舊藥已經好大分別」。

佢自己唔覺有咩問題，了解清楚唔使咁驚青。我個時先知……有時可能只係男人真係唔太了解。

又或者世代轉變，觀念開放咗，男同女各自都要負多啲責任。

你可能會問，一開頭講嗰兩個女仔最後點？

答案會唔會好絕望？又未必嘅。

佢哋人生有Special one，但佢哋都總會成為某某嘅Special One。

或者,我哋每個人都畀最愛傷害，但同時被視你為最愛嘅人拯救。

路一定比較難行，包袱都比較多，但只要抬高頭，始終會搵到立足地。

不過，女仔都要保護下自己。

歡迎光臨多姿多采創作與製圖論壇 (http://colorful.joinbbs.net/)