|
|
|
| 港女講日：唔靚冇人追？女人想脫單靠呢5樣特質食糊 |
| [attach]7649[/attach] 現實係殘酷，大家食哂花生睇港姐首輪面試，靚女嗰堆被人讚到上天，「另類」嗰堆被人踩到賤過地底泥，真心佩服呢班夠膽選美嘅女人。好醜命生成，生得唔靚預咗冇咁受歡迎，不過又唔駛氣餒，日本網站《恋愛jp》指出，男人最愛有以下呢5種特質嘅女人，反而唔係靚女先容易做得到! 1. 健談 靚女多人追，性格好易變得高傲難接近。就算你又靚又索，但大部分男人對傾得埋嘅女人先最有好感，經常表達對佢哋嘅生活好有興趣、爛gag都畀面做吓反應最好啦！經常一句起兩句止，面無表情，會令男人覺得好難溝通。 2. 暗示單身 聰明女人要識得製造機會，唔係話要用cheap嘅手段勾引男人，但係可以適當地暗示自己單身，好似「一個人有時真係幾悶」、「好想睇呢套戲冇人陪我」等句子，隨意得嚟又可以引佢哋上鈎，令男人知道你係single，覺得「有機會」，呢樣好重要! 3.論盡 乜嘢都做得妥當、唔畀人睇到自己缺點嘅女人會令人好難親近，反而大頭蝦成個傻大姐咁先夠可愛，男人會好有英雄感，好想照顧你！當然，「論盡事」要適可而止，一陣變咗要湊女佢又會反感。 4. 唔造作 經常口黑面黑，係男人都唔開胃。之前有調查講過，男人好鍾意女人露齒笑，令人感覺好真好親切，所以約會時記住將自己最自然一面表露出嚟，唔好刻意扮細食、扮有儀態、扮有taste。 5. 嗲 「撒嬌」始終係女人最強武器，得閒嗲吓同對方講啲讚美說話，男人冇得抵抗。太過獨立都唔係好事，間中依賴對方表露自己柔弱一面，更易吸引人，同埋激起男人嘅保護慾。 |
| 歡迎光臨 多姿多采 創作與製圖論壇 (http://colorful.joinbbs.net/) | Powered by Discuz! 7.2 |
新浪微博
QQ空间
人人网
腾讯微博
Facebook
Google+
Plurk
Twitter
Line