港女講日：感情轉淡 如何避免感情轉入「冷淡期」？ 本文來自：多姿多采 創作與製圖論壇★http://colorful.joinbbs.net/★ 或網路，轉貼請注明出處！ 發主題者：瞬間轉移 您是第1087位瀏覽者 如何

瞬間轉移

港女講日：感情轉淡 如何避免感情轉入「冷淡期」？

最近於twitter見到張幾得意嘅4格插畫，描寫一對情侶步入冷淡期嘅對話。

首先女人好感慨咁講:「我哋一齊咗都成3年喇!?」男人只係嗯咗聲，女人繼續:「我覺得最近同你拖手時，無左以前個種心跳加速嘅感覺。」

然後仲揈甩男人隻手，男人終於feel到唔妥，好緊張想解釋:「因為我哋…我哋」口窒窒唔知講咩好，心諗冇喇冇喇，女人應該係想分手。

點知劇情峰迴路轉，女人拎咗條繩出嚟，提議玩二人三足，

然後倆口子又好似變返初初拍拖時咁sweet咁開心……故事完。

哈哈，雖然呢個重拾熱戀嘅方法有啲搞笑，但唔代表唔work，拍緊拖嘅人智商真係會低啲架！如果你好不幸同對方感情開始淡，不妨試試以下3個方法: 1. 拍拖要有情趣 拍拖初期，見少一面都心掛掛，最好每分每秒都癡實對方，又會用好多時間為對方炮製好多驚喜。過咗幾個月後開始踏入穩定期，當大家了解越多，默契越大，相處好容易會變得公式化，行街睇戲食飯，唔願諗節目，冇哂熱戀感覺。要記住，覺得「悶」係一段關係嘅致命傷，就好似插畫中女主角，覺得拖手冇哂感覺咪「拖腳」囉，令拍拖有返新鮮感就掂! 2. 唔駛成日見 唔只男人，女人都應該要有自己私人空間。當過咗頭幾個月最熱戀時期，都仲要日見夜見，反而拗交機會會大咗，所講物以罕為貴，越難見面先會越相珍惜同對方一齊嘅時間！當然，唔成日見唔係指一個月都唔見一兩次，個人覺得最好嘅約會次數係一星期一至兩次。 3. 親熱係必需的 拖手、擁抱、鍚鍚係情侶基本動作，連呢啲都慳，好難維繫感情。加上男人天性好色，間唔中誘惑吓對方，定期親熱，都係延長拍拖壽命最簡單直接方法! 資料來源 twitter@odorukodomo8910 圖片來源 pinterest