做細路仔果陣聽過既創意歌詞 本文來自：多姿多采 創作與製圖論壇★http://colorful.joinbbs.net/★ 或網路，轉貼請注明出處！ 發主題者：瞬間轉移 您是第4970位瀏覽者

瞬間轉移

記得小時候
聽過老豆唱過呢隻廣告歌
覺得啲歌詞幾有趣
只係一兩句至幾句
例如：關鍵旅行社
今日上網搵到

原曲 食得招積，住得舒適，遊得出色，旅遊超值，旅行搵關鍵， 招積出色舒適超級超值。

惡搞 食得的色，住得偏僻，遊得急迫，旅遊乞食，旅行咁慳儉， 的色偏僻急迫超級乞食！

唔知大家知唔知道仲有冇其他呢
（盡量避免粗口歌詞）

喇叭

我聽過有帝女花
應該冇粗口成份

落低半邊百葉窗
與妹共瞓在床上
我偷偷笑，佢偷偷望。
我想緊點至可將佢剝清光。

Colorful

你精我都精，飲杯竹葉青。

你驚我都驚，嚇到面都青。

卜卜趣

我聽過的有:
原詞:勇敢的中國人

又要冇膽又鐘意人
食錯奶粉搵錯情人
你又要貪心
你仲要花心
想媾幾多個

讓一切隨風

我聽過的有:
原詞:勇敢的中國人

又要冇膽又鐘意人
食錯奶粉搵錯情人
你又要貪心
你仲要花心
想媾幾多個 ...
卜卜趣 發表於 2020-4-19 14:20

好搞笑ａｒ
睇落好似鬧緊隻狼
但又唔多似
隻狼點都唔似咁冇膽

我聽過ｇｅ有
原曲：
公益金，百萬行，手牽手，向前行。
惡搞：
貪心會，教壞人，拍拍手，去害人。

麒麟

網上搵到篇ＳＡＭ　ＨＵＩ惡搞歌詞

教我個阿Ｓｉｒ佢索嘢最夠膽，
今天搵Ｓｕｓｉｅ聽朝約蘇珊，
夜夜去梳扶錢銀佢Ｆｉｎｇ慣，
一千幾百都好閒。

佢讚你靚時你要當佢玩，
陰濕兼師爺衰得最交關，
外貌詐斯文演起個肚腩，
可惜雙腳生雞眼。

呢一種色狼車頭好快彎，
佢塊面成舊碳，個樣似大漢奸；
睇書梗匿埋通通剝曬衫，
鶯哥鼻、倒吊眉，最寸對陰濕眼！

佢有個老婆會照顧佢兩餐，
等咗好幾年蛋都冇得生，
密密去酒簾滾女當食晏，
搞三搞四一身潺。

教我個阿Ｓｉｒ佢索嘢最夠膽，
出咗名滾王豬乸佢都啱，
第日滿身潺方知悔恨晚，
一朝醒覺空悲嘆。

黑鷹

今日都好熱鬧喎

我又有首好經典下既廣告歌

原曲：
人生有個真正朋友，的確好極。
惡搞：
人生有個精壯男友，的確爽極。
或
人妻有個精壯丈夫，爽到攤直。

小蜻蜓

我聽過有首係改自園野春夢
但隻歌有好多鹽花
應該唔適宜放上來
（我哋呢啲師奶仔，早就俾老公教壞晒。）

另一個惡搞版改自多啦Ａ夢

人類全部嘔白泡，掂親數學必糟糕
乘除胡亂，加減慘笑
maths一出，全部爆粗

爬進無用矩陣裡，要的數值得不到
煩悶函數，不知所以
點小一點就恐怖

想得到答案的數，成世做唔到
你睇，老師嚟喇

老師啊 ，誰都想打你
冇料也在嘈.....

指天椒

有好多都好露骨下
唔講粗言郤出現不文

原文：
我唔係想食妳煮ｇｅ麵，我只係想見多妳幾面。

惡搞：
我唔係諗住嚟睇妳放電，只係想妳俾錢我去上電。

喇叭

我突然醒起梅小惠
有首歌頭果幾句
但唔記得原曲了

梅小惠
世上最美麗
就算港姐、亞姐
都冇得揮

讓一切隨風

呢首經典歌
同男友吹開水
佢話我知的

原曲：
漫漫長路有幾多風光，一一細心賞。
惡搞：
漫漫長路有包萬寶路，一包兩份煲。

小飛蟲

回復 11# 讓一切隨風
講到香煙
我問返我阿爺
竟然都俾我問到

原：
咁有性格
食駱駝濾咀（香煙名）

惡搞：
咁有性格
鍚阿婆個咀

柔情結

一講到煙
我就想起讀緊中學果陣
初初識隻狼果時
佢果時已經有迷離佢哋
每個月會有一日
佢會同我哋參加啲一日遊ｇｅ旅行團
有次出去遠足
骷髏隨口彈咗句：
讀萬卷書不如行萬里路

隻狼就接咗句：
行萬里路不如食萬寶路

自由人

我呢個童年回憶
有少少咸同少少趣

雪姑七友七個小矮人
雪姑七友同埋條心...
我都係HIDE咗佢好啲
如版主覺得唔適合就刪咗佢啦

本帖隱藏的內容需要回復才可以瀏覽

清爽

呢個係我喺其他論壇找到的

原曲:
如果太多牛奶味
朱古力味冇掟企

改詞:
如果太多韓瑪莉
朱茵一定冇掟企