你覺得呢個世界ＵＦＯ同鬼怪，邊樣係真正存在？ 本文來自：多姿多采 創作與製圖論壇★http://colorful.joinbbs.net/★ 或網路，轉貼請注明出處！ 發主題者：百厭仔 您是第1266位瀏覽者

百厭仔

我覺得個宇宙有咁多星球
點都唔止地球先有生物
所以我信有ＵＦＯ存在
而鬼既傳聞
所謂疑心生暗鬼
係人既幻覺造成
又或者係外星人製造出嚟既假象
唔知大家又點睇呢？

Colorful

我反而同樓主持相反睇法
我覺得呢個世界
無論古今中外
不謀而合都出現鬼怪
講次數點都比ＵＦＯ多到數唔晒

小蜻蜓

ＵＦＯ凡指不明飛行物體
即唔係剩係指外星人ｇｅ太空船
仲有機會係地球人製造出嚟
換句話說
Ａ國想窺探Ｂ國某些情況
但又唔可以打正旗號
所以就製造啲古怪ｇｅ飛行物體
當然喺速度上一定要快
否則就會被對方擊落
但你又唔可以單憑外表話佢係某個國家
唔可以指摘Ｂ國啦

而鬼怪我覺得只係人ｇｅ心魔造成ｇｅ幻覺
根本唔存在真實世界
言之鑿鑿ｇｅ人只憑自己信念
你諗下有咁多宗教
自然不可能共存
若然這樣
有那些宗教是虛構
便也確定了他們口中的鬼怪也同樣是虛構

麒麟

呢個世界科技始終係事實
當科技發展到一日千里
有ｕｆｏ都唔出奇
宇宙咁大咁多星球
冇可能得地球先有生物存在
況且地球都可以有火箭飛去月球
仲有穿梭機去火星探險
所以從外太空有ｕｆｏ嚟地球
係有一定既可能

致於鬼神
可能係人覺得呢個世界
好似『冥冥中自有主宰』
又覺得人始終要又人睇住
先會唔敢做壞事
所以又有『舉頭三呎有神靈』
同埋『天有眼』既講法
無論做好事做壞事都會有報應
『惡有惡報，善有善報，若然未報，時辰未到。』
就算在人世間未有報應
死後在陰間都會受到制裁
主要係勸人唔好做壞事
就算你話我都唔信
有時都會『疑心生暗鬼』
唔到你唔驚
鬼神可能係虛構
但對我哋做人處事
都存在一些警醒作用
反而比ｕｆｏ來得實在

讓一切隨風

我記得在我哋論壇來講
呢方面講得唔錯ｇｅ
有遊閒風同若有所思
好耐冇見佢兩位大哥上來

小飛蟲

我記得在我哋論壇來講
呢方面講得唔錯ｇｅ
有遊閒風同若有所思
好耐冇見佢兩位大哥上來 ...
讓一切隨風 發表於 2020-5-3 12:24

我都好耐冇上來
個壇啲幻彩鏈結效果同幻彩文字
真係增色不少

我之前喺ｗｅｗｅｔ見個閒風講過
鬼
可能係由未來世界返來現在
所以身體係不真實又或半透明
或者說係未來世界ｇｅ科技超強
可以將投影轉移到過去
同時又睇到同聽到過去情況
既然係科技
當然可以如電影中
可以作出幻變、消失
甚至可以千里傳聲

紫色蔷薇

我兩樣都相信
所謂：天外有天、人外有人
有ＵＦＯ（天外來客）不足為奇
雖然話有智慧的外星人
離地球好遠好遠
但也有這個可能

而鬼這東西
事實上全世界都有人言之鑿鑿
異口同聲地訴說鬼怪的存在
所以我覺得有一定的公信力