打情罵俏 本文來自：多姿多采 創作與製圖論壇★http://colorful.joinbbs.net/★ 或網路，轉貼請注明出處！ 發主題者：Colorful 您是第336位瀏覽者

Colorful

尹光

打情罵俏(&李麗儀)

    作詞：佚名
    作曲：古曲
    編曲：麥皓輪

    女：喂你想講惡我實唔怕 豈願無端遭責罵
    男：你知否女人責任要管家 家中功夫懶做太過差
    我口乾睇嚇個茶壺完全未有茶
    女：三家缺一我實要打
    男：喔 打咗八圈你重要打
    女：我未曾食過半舖滿糊 我實要打定啦
    男：唔係我立亂將你話 女白：你敢先得架
    男：家務拋開去打牌 你應該遭責罵囉
    女：喂 我唔忿氣任你將我罵
    我難氣下要我受氣聽你話
    男：好話
    女：豈能容讓我唔順氣點下 你再亂咁講說話
    男白：講又點呀
    女：我又再打多八圈架 男白：唔俾去
    男：你莫再沉迷落去 家務完全唔願掛
    男白：你做嚇嘢啦皇帝呀
    女：我點算沉迷落去 只係大眾娛樂下又唔係賭狗馬
    男白：都唔啱
   
    女：你當你係皇爺咁大曬 令我笑跌棚牙
    男：我哋成伴侶共訂佳話
    女白：摸我做咩
    男：應要互助互愛相關心才算是好對象 名份已訂下 創造個好家庭
    女白：幾好呀
    男：你應份以家庭為上 個人就當等下囉
    女：喂我父母有家財 男白：大曬呀
    女：我點會日日去捱罵 我點會夜夜去捱罵
    男：你唔願顧家至有人話
    女：小姐鍾意你無權任意查

    男：持住有啲家財有啲聲架就咪出嫁
    女：喂 你咪出聲冇人會話你啞架 男白：係都出聲
    女：你語語咁相迫我氣點下 男白：唔下都下
    女：我係財主女啵 男：乞嚏
    女：我不聽寒酸話
    男：喂 你入得我門便成我家下 你就要聽我話不講金錢
    女：金錢難道你唔重視 男白：唔重視
    女：你是個小職員我不過為愛甘心嫁
    男：既願捱窮願意跟我 就唔該你去煲茶