歡 迎 大 駕 光 臨  歡 迎 大 駕 光 臨  歡 迎 大 駕 光 臨  歡 迎 大 駕 光 臨  歡 迎 大 駕 光 臨  歡 迎 大 駕 光 臨  歡 迎 大 駕 光 臨 
免費論壇 繁體 | 簡體
Sclub交友聊天~加入聊天室當版主
分享

歷史上的今天:

論壇通知
返回列表 發帖

被困的小孩

本文來自:多姿多采 創作與製圖論壇http://colorful.joinbbs.net/★ 或網路,轉貼請注明出處! 發主題者:讓一切隨風 您是第609位瀏覽者
昨天假期,就一大班舊同學返深圳按摩食飯,其中我個高人朋友都去啦,係按摩休息其間,來來去去話題都係關於靈界,我就唔係好想講,怕比人以為我地危言聳聽,更加以為我地吹水唔抹咀,不過我個高人朋友同我地講左一個故仔,聽落去令我有反思。

我個高人朋友佢老哥係做冷氣安裝及維修生意,話說有次佢接咗一單生意,係南灣附近幫一家人設計及安裝冷氣系統,住得南灣,當然要求唔同。佢會根據戶主要求,以提供最好方案。

話說要去睇位,而去到個間屋個陣,感覺好奇怪,係個路口,放咗一對開左光石獅子,而鐵閘附近擺左一個好奇怪風水陣, 唔通呢度有嘢?

當入到屋內,個戶主係一對外藉人仕,聽戶主講,佢剛剛從代理買入這間獨立屋,佢話上手所有裝修都好新,唔駛番新就住得,不過冷氣系統就舊咗,想從新安裝(外國人就有環保意識,認為用得就不會掉,不會學現在香港人,乜都要新,乜都要豪) 當報價及講明細節後,過三兩星期就開工,預算六日左右就完工。而對外藉人仕就臨時搬去酒店住,

但係有個問題係佢心中, 點解上手業主放一個咁既風水陣係呢間屋, 睇個陣又唔係催財運個隻, 又其對石獅子, 個方向都有問題, 唔係對出面以對入屋? 這兩個問題擺左係心中一陣, 好快就唔再理啦,世間事,千奇百怪,理得幾多呀。

到真正開工,係天台準備更換冷氣系統個陣,就發生奇怪事,事源佢喺天台準備拆部舊機落地下,而當時天氣唔係好好,我高人朋友係天台望落鐵閘個位置個,佢見到一個6~7歲大細路仔想出去,但係個細路仔去到鐵閘時就停係到,另外嗰兩隻石獅子好似隻狗係咁叫。係咁既情形,我高人朋友就知到個陣係用來困住個小孩,但係點解要咁做呢?唔同一間屋內有鬼會令人地發達?或者其他原因要困住佢?

到當日收工個陣,佢老哥就行出去,佢就見到個細路仔跟住佢,但係一過鐵閘,個細路仔又停左係到,佢老哥擰番傳頭望下佢,見佢係咁喊。當時佢真係想問下個細路仔點解喺度喊,但係好多工人喺到唔多方便,因為正常人見到佢對住空氣講野,唔嚇死都話佢神經病。

到第二日再開工,佢老哥就心不在焉,只係度諗昨日見到情形,不過佢係老闆,都無乜所謂啦。到收工,佢就叫班工人走先,等咗半個鐘頭天都黑晒佢先走,當佢走出去個,個小孩又跟住佢,佢就問個細路仔: 你做咩唔出去?個細路仔就指住個鐵閘及石獅子,然後又停喺嗰鐵閘係到喊…佢老哥就唔理佢就走,因為有師父擺咁既陣,當然係有佢理由,都係唔好咁多事理人野啦。

當佢走出路口,準備攞車走個陣,佢係路口見到一男一女企係到,唔駛講當然唔係人啦,而個對男女用好誠懇眼神望住佢,想佢幫下佢。但佢老哥就無謂去惹事,就開車返去。到夜晚返到去食飯個陣,佢望住老婆加個女個陣,心諗:嗰對男女會不會係個細路仔父母?係人間都有親情,可況係鬼。

嗰晚同老婆講番佢見到情況,佢老婆就話叫佢幫下佢地,等佢地一家團聚,可以轉世投胎。但係有樣嘢佢好唔明白,點解要困住個細路仔嗰間屋度呢?因為一唔小心,放錯咗隻惡鬼出去,會不會有後遺症?

如事者,差唔多每日收工都見到咁既情形,去到工程完前一晚,佢老哥就走去鐵閘嗰度,用塊紅布將個陣遮住,嗰塊紅布當然唔係普通布啦。然後個細路仔就可以過到度閘,到差不多到石獅子照辦照碗。等個細路仔可以經過。到出到路口,見個細路仔就跑去個對男女度。而佢見到個對男女攬住個細路仔係到喊。到佢老哥行埋去個陣,見都佢地三個向佢恭敬躹躬就消失左。我地聽完,就問佢老哥跟住點啦,佢老哥就用一個笑容來回答我地。


後話:我聽完佢講,比著我都會做,但我有個疑問,係唔係所有鬼魂都係一定有惡意呢,可能人與鬼從古代開始就不兩立,所以有些人一遇到,不問情由,就搵師父幫手。既然遇到,必有因果,或者無你地想像中咁可怕呢。
[隨機語錄]:

返回列表